Dua Lipa i gëzohet suksesit të “Zgjoit” i cili është afër nominimit për Oscars 2022

10:16 | 22 Dhjetor 2021
A. B.

Akademia e Shkencave dhe Arteve ka shpallur të martën listën e ngushtë të nominimeve për 10 kategori në kuadër të Oscars 2022.

Lista e plotë e nominimeve do të bëhet e ditur më 8 shkurt, ndërsa për herë të parë në histori, një film kosovar është pjesë e listës së ngushtë të filmave të mundshëm për t’u nominuar në kategorinë “filmi më i mirë ndërkombëtar”, shkruan arbresh.info

Filmi “Zgjoi (Hive)” është tashmë në listën e ngushtë të 15 filmave të mundshëm për t’u nominuar, me çka ka gëzuar pa masë mbarë popullin e Kosovës.

E ky sukses sigurisht që e Ka gëzuar pa masë edhe artisten me renome ndërkombëtare, Dua Lipa.

Kjo e fundit ka rishpërndarë në InstaStory një postim të bërë nga regjisorja Blerta Basholli, ku e etiketuar ka qenë edhe vet Dua.

“Lajmi më i mirë për t’u zgjuar”, shkroi Lipa në InstaStory, duke iu gëzuar kështu suksesit të filmit “Zgjoi”.

Dua përndryshe së bashku me prindërit e saj, Dukagjinin dhe Anesën, ka qenë e pranishme fizikisht në premierën e “Zgjoi” në SHBA. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm